“Ayaks”ın yeni baş məşqçisi bilindi – RƏSMİ

“Ayaks”ı “Mançester Yunayted”ə dəyişən Erik ten Haqın yerinə təyinat reallaşıb.

Fanat.az Amsterdam klubunun rəsmi saytına istinadən xəbər verir ki, komanda Alfred Şröderə tapşırılıb.

Tərəflər sonradan daha 1 illiyə uzadılması nəzərdə tutulmaqla, müddəti 2024-cü ilə qədər olan müqaviləyə imza atıblar.

Qeyd edək ki, bu ilin yanvarından “Brügge”ni çalışdıran mütəxəssis daha öncə də “Ayaks”da işləyib. O, baş məşqçi postunda əvəzlədiyi ten Haqın köməkçilərindən biri olub.