Siyasət

Azərbaycan vətəndaşı olmaq istəyən ermənilərin sayı artır: Bakının cavabı nə olacaq?

“Biz gələcəkdə də həm Qarabağda, həm Ermənistanda yaşayan ermənilərin Azərbaycan Prezidentinə və dövlət qurumlarımıza, xüsusi ilə Miqrasiya Xidmətinə vətəndaşlıq üçün müraciətlərin daha da artacağını gözləyə bilərik”.

Bunu Qaynarinfo-ya açıqlamasında hərbi ekspert Ədalət Verdiyev iki erməninin Prezident İlham Əliyevə müraciət edərək, onların Azərbaycan vətəndaşlığına qəbul edilmələrini istəməsini şərh edərkən deyib.

Ekspert bildirib ki, vətən müharibəsindəki qələbədən sonra Azərbaycan ordusunun Qarabağ və Zəngəzur istiqamətində əldə etdiyi mühüm naliyyətlər Ermənistanda yaşayan və ayıq düşünməyi bacaranları reallığı olduğu kimi qəbul etməyə məcbur edir:

“Bütün bu üstünlükləri biz Azərbaycan ordusunun vətən müharibəsində nümayış etdirdiyi yüksək peşəkarlıq və qəhrəmanlıq nümunələrinin nəticəsində əldə etmişik”.

Bənzər yazılar

Back to top button