İqtisadiyyat

Niyə öz pomidorumuz xaricdən gətirilən banandan bahadır? – Ekspert açıqladı

Son günlərdə mağazalarda və bazarlarda digər məhsullarla müqayisədə pomidorun qiymətində kəskin artım müşahidə olunur. Maraq doğuran məqamlardan biri isə odur ki, öz ixracımız olan pomidor xaricdən idxal etdiyimiz banan və s. məhsullara nisbətən xeyli bahadır.

Maraqlıdır, görəsən, pomidorun bu qədər baha olmasının səbəbi nədir?

AzToday.az-ın məlumatına görə, məsələ ilə bağlı iqtisadçı ekspert Xalid Kərimli Lent.az-a açıqlamasında bildirib ki, pomidorun qiymətinin artmasının müxtəlif səbəbləri ola bilər.

Onun sözlərinə görə, ötən ilin sentyabr-oktyabr ayına nisbətən bu il pomidorun qiyməti daha bahadır:

“Hazırda pomidorun qiyməti dekabr-yanvar aylarında olan qiymətlə bərabərdir. Bildiyiniz kimi Azərbaycana xaricdən pomidor idxal olunmur. Pomidorun qiymətinin artmasının səbəblərindən biri də yay mövsümünün məhsul yığımının bitməsi və parnik məhsullarının kütləvi şəkildə bazara çıxmaması ilə əlaqədardır. Bundan əlavə, statistikalara baxdıqda keçən ilin pomidor ixracı ilə bu ilki arasında kəskin bir fərq görünmür. Məhz bu baxımdan düşünürəm ki, qiymət artımının əsas səbəblərindən biri də bazarlarda, mağazalarda satılan məhsulun az, tələbin isə çox olmasıdır”.

Bənzər yazılar

Back to top button