“Tanrı bu bazar günü səni mükafatlandıracaq” – Messiyə dəstək

Braziliya millisinin sabiq üzvü Rivaldo DÇ-2022-nin finalından əvvəl Argentina millisinin kapitanı Lionel Messiyə dəstək olub.

Qol.az xəbər verir ki, o, “Tvitter” hesabında yazıb:

“Dünya çempionatının finalında Braziliya və ya Neymarı görməyəcəyik. Ona görə də Argentinanı dəstəkləyəcəm. Messi, sənə sözüm yoxdur. Sən əvvəl də dünya çempionu olmağa layiq idin. Amma Tanrı hər şeyi bilir və bu bazar günü səni mükafatlandıracaq. Sən bu ada layiqsən”.

Qeyd edək ki, Argentina finalda Fransa – Mərakeş cütünün qalibi ilə qarşılaşacaq. Dekabrın 18-i keçiriləcək görüş Bakı vaxtı ilə saat 19:00-da başlayacaq.