Cəmiyyət

Müdafiə Nazirliyi əsgər valideynlərinə və yaxınlarına müraciət etdi

Son günlər ölkədə COVID-19 virusuna yoluxma sayında artımın müşahidə edildiyi nəzərə alınaraq Azərbaycan Ordusunda xidmət edən hərbi qulluqçuların valideynləri və yaxınları ilə görüşü müvəqqəti qadağan olunub. Bu barədə Müdafiə Nazirliyindən bildirilib.

“Hərbi qulluqçuların sağlamlığının qorunması və xəstəliyə yoluxma riskinin qarşısının alınması məqsədilə əsgər valideynləri və yaxınlarına hərbi hissələrə gəlməməyi, xüsusi ilə də fevralın 6-da keçirilməsi planlaşdırılan andiçmə mərasimlərində iştirak etməməyi tövsiyə edirik.

Vətəndaşlarımızı ordumuzda tətbiq olunan tibbi təminat tədbirlərini anlayışla qarşılamağa və karantin qaydalarına ciddi riayət etməyə çağırırıq”, – nazirlikdən qeyd olunub.

Qeyd edək ki, ötən gün Azərbaycanda koronavirusa yeni yoluxma faktlarının sayı 7 mini keçdi, 26 nəfər COVID-19 nəticəsində öldü.

Bənzər yazılar

Back to top button