Vətən müharibəsi qazisi vəfat etdi

Vətən müharibəsi qazisi Elnur Səmədov dünyasını dəyişib.

Bu barədə Oxu.az-a onun yaxınları məlumat veriblər.

Bildirilib ki, doqquz aydır leykozdan əziyyət çəkən Elnur Səmədov dünən gecə saatlarında vəfat edib.

Bu diaqnoz qaziyə 2022-ci ilin yanvar ayında qoyulmuşdu.

Qeyd edək ki, Səmədov Elnur Qalib oğlu 2020-ci ildə Vətən müharibəsində iştirak etmiş və Qubadlı rayonu istiqamətində gedən döyüşlərdə ayağından yaralanmışdı.