Kreml Pelosinin Ermənistan səfərinə şərh verdi
Rusiya Yerevanla Bakı arasında münaqişənin həlli cəhdlərini alqışlayır
TASS-ın məlumatına görə, bu sözləri Rusiya prezidentinin mətbuat katibi Dmitri Peskov ABŞ Konqresinin Nümayəndələr Palatasının sədri Nensi Pelosinin Ermənistana səfərini şərh edərkən bildirib.
“Sözdə deyil, əməldə, yüksək səslə, populist deyil, reallıqda sakit və işgüzar şəkildə olan hər şey münasibətlərin normallaşmasına, sərhəddə vəziyyətin sabitləşməsinə töhfə verə bilər, əgər belə olsa, alqışlamaq olar”, – Kreml sözçüsü bildirib.
O, həmçinin əlavə edib ki, zaman keçdikcə Pelosinin səfərinin münaqişənin normallaşmasına həqiqətən kömək edib-etmədiyi aydınlaşacaq.
Amerikalı spiker Ermənistana sentyabrın 17-də gəlib. Onunla yanaşı, ABŞ nümayəndə heyətinə Nümayəndələr Palatasının Enerji və Ticarət Komitəsinin sədri Frank Palone və Nümayəndələr Palatasının üzvləri Anna Eşu və Ceki Speyer də daxil idi.
Nensi Pelosi Yerevana səfəri zamanı deyib ki, Azərbaycan Ermənistanın müstəqilliyinə və suverenliyinə hücum edib.
“ABŞ Konqresi adından Azərbaycanın Ermənistan ərazisinə ölümcül hücumlarını qətiyyətlə pisləyirik.
ABŞ hücumun Azərbaycan tərəfindən həyata keçirildiyini təsdiqləyib və Konqres Azərbaycanın təcavüzünü pisləyən qətnamə layihəsi hazırlayıb
Azərbaycanın “Artsax”ın mülki əhalisinə qarşı hərəkətləri, tarixi abidələrə qarşı vandalizmi bizim diqqətimizdədir”, – deyə o çıxışında bildirib.
