Cümə günü Rusiyanın xarici işlər naziri Sergey Lavrov Moskvada Azərbaycanla Ermənistanın xarici işlər nazirləri Ceyhun Bayramov və Ararat Mirzoyanla üçtərəfli görüş keçirəcək. Bu barədə çərşənbə günü brifinqdə Rusiya Xarici İşlər Nazirliyinin rəsmi nümayəndəsi Mariya Zaxarova bildirib.
O qeyd edib ki, bundan öncə Lavrov Bayramov və Mirzoyanla ayrı-ayrı görüşlər keçirəcək. Bundan əlavə, Ermənistan və Azərbaycanın xarici işlər nazirləri öz aralarında ayrıca görüş keçirəcəklər və “sülh müqaviləsi”ni müzakirə edəcəklər.
Üç ölkənin nazirləri “regionda dinamik vəziyyət nəzərə alınmaqla” Bakı və Yerevan arasında münasibətlərin normallaşdırılması perspektivlərini nəzərdən keçirəcəklər, Zaxarova deyib.
