Cavan qalmaq istəyirsinizsə, hər səhər acqarına bir stəkan “qızıl” su için

Səhərinizi necə keçirdiyiniz bütün gün üçün əhval-ruhiyyəni təyin edir. Düzgün, balanslı səhər yeməyinin əhəmiyyəti haqqında bir dəfədən çox danışdıq, amma bunlar mükəmməl oyanışın bütün sirləri deyil.

Mütəxəssislər yekdilliklə yeməkdən 30-40 dəqiqə əvvəl bir stəkan maye içməyi məsləhət görür: bu, vücudun oyanmasına və məhsuldar günün qurulmasına kömək edir. Ən asan seçim sudur, ancaq suya sarıkök əlavə edərək daha sağlam nəticə əldə edilə bilər.

Sarıkök yalnız yeməklərə qatdığı rəngə görə deyil, həm də faydalı xüsusiyyətlərinə görə “qızıl ədviyyat” adlanır. Dünyadakı ən təsirli qida əlavələrindən biridir. Min illərdir ki, sarıkök Hindistan sakinləri tərəfindən dərman bitkisi kimi istifadə olunur və bu əsrin əvvəllərində bir çox klinik tədqiqat onun demək olar ki, bütün bədən sistemi üçün fövqəladə faydalarını təsdiqləyib.

Bir stəkan sarıköklü su bədəni zərərsizləşdirməyə kömək edir, toksinləri, şlakları və həddindən artıq duzu çıxarır, bu da şişkinlikdən xilas olmağa imkan verir. Səhər şişkinliyi xroniki probleminizdirsə, onda belə içki mütləq kömək edəcək. Ədviyyatdakı aktiv maddələr qanda qlükoza səviyyəsini idarə etməyə və iştahı azaltmağa kömək edir. Sarıkök turşuluğun normallaşdırılması ilə yanaşı mədə şirəsinin ifrazını stimullaşdırır və maddələr mübadiləsini sürətləndirir.

Sarıkökdə olan kukurmin də güclü antioksidantdır. Bədən hüceyrələrini sərbəst radikalların zədələrindən qoruyur, iltihabla mübarizə aparır, dərinin vəziyyətinə faydalı təsir göstərir və yaşlanma prosesini ləngidir. Aktiv birləşmələr idrak funksiyasını yaxşılaşdırır, səmərəliliyi artırır və qəhvədən heç də pis təsir göstərmir. Müntəzəm istifadəsi ilə kukurmin bir çox xroniki xəstəliklərin qarşısını almağa kömək edir: diabetdən ürək çatışmazlığına qədər.

Bu möcüzəvi içkini hazırlamaq üçün yalnız bir stəkan isti su (40-50 dərəcə) və ½ çay qaşığı sarıkök lazımdır. Bir az qara bibər əlavə edə bilərsiniz – bu kukurminin hərəkətini stimullaşdırır. Yalnız mədə-bağırsaq traktında probleminiz varsa, olmaz. İçkinin faydalı effektini görmək üçün onun müntəzəm qəbulu vacibdir, qəbul kursu ən azı 3 həftə olmalıdır. (publika.az)