“Barselona” Messiyə hələ də maaş verir

“Barselona” yaxın keçmişdə klubdan ayrılan Lionel Messi, Serxio Buskets və Jordi Albanın maaşlarını ödəməyə davam edir.

Fanat.az xəbər verir ki, bu barədə “Cadena SER” məlumat yayıb.

Hər üçü indi “İnter Mayami”də oynayır, lakin “Barselona”dan maaş almağa davam edir. Buna səbəb koronavirus pandemiyası zamanı imzalanan və Kataloniya klubunun bugünkü vəziyyətinə birbaşa təsir edən dəyişikliklərdir.

“Barselona”nın hələ də maliyyə problemləri var. Bu səbəbdən klub yayda ulduz oyunçularından bir neçəsini satmağa hazırlaşır.