Ronaldo ilk turda oynayacaqmı?

“Yuventus”un yeni transferi Kriştiano Ronaldo bu gün Turin klubunda rəsmi debüt edəcək.

Qol.az-ın İtaliya mətbuatına istinadən yaydığı xəbərə görə, bu barədə komandanın baş məşqçisi Massimiliano Alleqri məlumat verib. Təcrübəli mütəxəssis bildirib ki, 33 yaşlı hücumçu bu gün A Seriyasının ilk turunda “Kyevo”ya qarşı oyunda meydana çıxacaq.

Qeyd edək ki, Ronaldo yoxlama oyunlarında forma geyinsə də, hələlik “Yuventus”da rəsmi debüt etməyib.