“Şəhərlilər” ÇL-ni məğlubiyyətsiz qazanan 10-cu komandadır – Siyahı
İngiltərə çempionu və Federasiya Kubokunun qalibi olan “Mançester Siti” Çempionlar Liqasının kubokunu qazanan və əsas avrokubok turnirinin bütün mövsümü ərzində bir dəfə də olsun məğlubiyyətə uğramayan 10-cu komandadır.
Yeniavaz.com xəbər verir ki, Xosep Qvardiolanın rəhbərlik etdiyi “şəhərlilər” qrup mərhələsində Almaniyanın “Borussiya Dortmund” (2:1, 0:0), İspaniyanın “Sevilya” (4:0, 3:1) və Danimarkanın “Kopenhagen” (5:0, 0) klubları ilə qarşılaşıb.
Pley-offda Almaniyanın “RB Leypsiq” (1:1, 7:0), ¼ finalda “Bavariya” (3:0, 1:1), yarımfinalda isə İspaniyanın “Real Madrid” (1:1, 4:0) klublarını çempionatdan kənarlaşdırıb.
Finalda “İnter Milan”ı 1:0 hesabı ilə məğlub edən “Mançester Siti” Çempionlar Liqasını məğlubiyyətsiz tamamlayan 10-cu komanda olub.
Bundan əvvəl “Milan”, “Ayaks”, “Liverpul” və “Mançester Yunayted” Çempionlar Liqası mövsümünü iki dəfə, “Bavariya”, “Barselona”, “İnter”, “Marsel” və “Srvena Zvezda” isə bir dəfə məğlubiyyətsiz başa vurub.
