“Xəzər” televiziyasında Xoşqədəm Hidayətqızının aparıcılığıyla yayımlanan “Səni axtarıram” verilişinin yeni mövsümdə ilk efir günündə dəhşətli faktın üstü açılıb. İbadət adlı şəxs iyirmi ildir ki, anası tərəfindən toyuq hinində zəncirlənərək saxlanılırmış. Maraqlıdır ki, faktın üstü açıldıqdan sonra da qadın oğlunu bu vəziyyətdə saxlamasına haqq qazandırmağa çalışıb: “Ayaqlarını zəncirləsəm də, gəzir. Sən get orada gözlə, gətirim. Adam görəndə qorxur”. Qeyd edək ki, sözügedən proqramda daha öncə də iki oxşar fakt aşkarlanıb.
