“Qalatasaray”dan ayrıldı

“Qalatasaray”ın futbolçusu Rayan Babel İstanbul klubundan ayrılıb.

Qol.az “Hürriyet”ə istinadən xəbər verir ki, hollandiyalı hücumçu ötən gün ölkəsinə yollanıb. 33 yaşlı hücumçunun mövsümün sonuna qədər icarə əsasında “Ayaks”da çıxış edəcəyi bildirilir.

Qeyd edək ki, bu mövsüm Superliqada 15 oyunda 5 qol vuran Babelin “Qalatasaray”la müqaviləsi 2022-ci ilin yayına qədərdi.