“Artıq Messini “Yuventus”un 7 nömrəsi ilə bir tutmayın” – Balotelli

“Marsel”in futbolçusu Mario Balotelli “Barselona”nın superulduzu Lionel Messi haqda paylaşım edib.

Qol.az-ın məlumatına görə, o, İnstagram hesabında argentinalı hücumçunun şəklini paylaşaraq onun “Yuventus”un hücumçusu Kriştiano Ronaldodan üstün olduğuna işarə vurub: “Futbol ədaləti naminə artıq Messini “Yuventus”un 7 nömrəsi ilə bir tutmayın”.

Qeyd edək ki, Messi ötən gün Çempionlar Liqasının yarımfinalında “Liverpul”la qalib gəldikləri matçda (3:0) dublu və gözəl oyunu ilə bir daha adından söz etdirib.