“Qalatasaray” dünya ulduzunu transfer edir – RƏSMİ

“Qalatasaray” “Monako”nun ulduzu Radamel Falkaonu transfer etmək istəyir.

Fanat.Az Türkiyə mediasına istinadən xəbər verir ki, bu barədə futbolçunun Türkiyə təmsilçisi, FIFA meneceri Fatih İlek məlumat verib.

İstanbul klubunun bu keçidi reallaşdırmaq üçün sponsor axtarışına başladığı bildirilir.

Qeyd edək ki, 32 yaşlı Falkao karyerası ərzində Kolumbiyanın “Lankeros Boyas”, Argentinanın “River Pleyt”, Portuqaliyanın “Portu”, İspaniyanın “Atletiko”, İngiltərənin “Mançester Yunayted”, “Çelsi” və Fransanın “Monako” klublarında çıxış edib. Hücumçu Kolumbiya millisində keçirdiyi 81 oyunda 32 qol vurub.