Mbappe Zidanla nə danışıb? – SON DURUM

PSJ-nin gənc forvardı Kilian Mbappe Zinəddin Zidanla danışıb.

Fanat.Az “El Chiringuito”ya istinadən xəbər verir ki, Mbappe “Real”ın baş məşqçisi ilə bu kluba keçidini müzakirə edib.

20 yaşlı hücumçu Zidana Paris klubunun ərəb prezidenti Nasser Əl-Xelaifi ilə görüşəcəyini və getmək arzusunu dilə gətirəcəyini söyləyib.

Mənbə “Real”ın qarşı tərəfə rekord transfer məbləği fonunda Xames Rodriges və İskonu da təklif edəcəyini qabardıb.

Qeyd edək ki, daha öncə “Real”ın prezidenti Florentino Peresin Mbappeyə görə Fransa klubuna 280 milyon avro verəcəyi ilə bağlı xəbərlər yayılıb.