2-ci Qarabağ müharibəsi qazisi:”Köməklik etmək əvəzinə təzyiq edirlər”
2-ci Qarabağ müharibəsi iştirakçısı, Salyan rayon sakini Kamil Məmmədov dövlət tərəfindən ona yardım edilməməsindən gileylənir.
Müharibə veteranı sadaladığı problemləri ilə yanaşı təhsilini də davam etdirə bilmədiyindən şikayətçidir. Kamil Məmmədov deyir ki, Bakı Neft və Energetika kollecində təhsilini dondurub müharibəyə getmişdi.
Azərbaycan Dövlət Neft və Sənayə Universitetinin mətbuat katibi Bəhruz Nəzərov Toplum TV-yə açıqlamasında bildirib ki, Kamil Məmmədov elə əvvəldən ali məktəbə ödənişli əsaslarla qəbul olub.
Kamil Məmmədov isə Bəhruz Nəzərovun açıqlamasını yalanlayır. Qazinin Toplum TV-yə təqdim etdiyi sənədlərdə onun ali məktəbə Bəhruz Nəzərovun dediyi kimi ödənişli əsaslarla yox, dövlət hesablı daxil olması təsdiqini tapır.
Kamil Məmmədovun problemləri bununla bitmir. Tək ümidinin dövlət qurumları olduğunu deyən müharibə veteranı iddia edir ki, Salyan rayonunun icra başçısı və polis rəisi ona qarşı fiziki zorakılıq tətbiq edib.DİN-in mətbuat katibi Elşad Hacıyev Toplum TV-yə açıqlamasında qazinin iddialarının əsassız olduğunu deyib.
